Resultados de procura - Ellis, Albert

Albert Ellis

Albert Ellis, nado en Pittsburgh (Pensilvania) o 27 de setembro de 1913 e finado en Nova York o 24 de xullo de 2007, foi un psicólogo estadounidense que en 1955 desenvolveu a terapia racional emotiva condutual (Rational Emotive Behavior Therapy, REBT). Recibiu graos MA e PhD en psicoloxía clínica pola Universidade de Columbia e o American Board of Professional Psychology (ABPP). Tamén fundou e foi o presidente durante décadas do Instituto Albert Ellis de Nova York. Está considerado un dos orixinadores do cambio do paradigma da revolución cognitiva en psicoterapia e un dos primeiros que propuxeron as terapias cognitivo-comportamentais.

Segundo un estudo profesional de 1982 entre psicólogos dos Estados Unidos e o Canadá, foi considerado o segundo psicoterapeuta máis influente da historia (Carl Rogers foi o primeiro e Sigmund Freud o terceiro). ''Psychology Today'' indicou que "ningún individuo, nin sequera o propio Freud tivo un maior impacto na psicoterapia moderna". Provided by Wikipedia