Manuel Granell Muñiz (Oviedo, 1906ko ekainaren 18a - †Caracas, 1993ko azaroaren 12a) espainiar saiakera egile eta kritikaria izan zen. Zuzenbide eta filosofia ikasketak egin zituen Oviedon. Espainiako Gerra Zibila bukatuta, Venezuelara erbesteratu zen, eta eskolak eman zituen Caracasko Unibertsitatean. Filosofia eta antropologiari buruzko obra oparoa argitaratu zuen, Manuel Cristóbal izengoitiaz, ''Umbral'' (1941, Ataria) izeneko poesia bilduma labur batez gainera: ''Lógica'' (1949, Logika), ''El humanismo como responsabilidad'' (1959, Humanismoa erantzukizun gisa), eta ''El hombre, un falsificador'' (1968, Gizona, fatsutzaile), besteak beste. Literatura kritikari gisa, aurreko belaunaldiko idazleen azterketak egin zituen gehienbat: ''Estética de Azorín'' (1949, Azorinen estetika), ''Ortega y su filosofía'' (1960, Ortega eta bere filosofia).
Wikipediatik informazioa lortu